「龜兔夫婦」生離死別 遺孀感激《尋人記》為摰愛留下遺言

《尋人記II》自播出以來大獲好評，昨晚(17日)播出最後一集，方東昇團隊請第一輯的一班主角見面，看看各人在節目播出後，事隔一年大家生活如何?當中Frankie 與Sabrina 呢對 「 龜兔夫妻 」，27年前他們因相處問題要尋求婚姻輔導，上年接受訪問時他們恩愛分享圓滿婚姻37載心得，可惜今次再見面，只餘下Sabrina一人。

原來節目拍攝後幾個月，Frankie突然急性心臟病發，約半小時送到醫院，但醫生指Frankie心臟已經停頓。Frankie在深切治療部昏迷六日後蘇醒，但一直徘徊生死邊緣。直到第16日，心臟再次停頓。當時醫生問需不需要拔喉時，Sabrina斷言拒絕。但掙扎了一個多小時之後最終同意拔喉，Frankie在家人陪伴下，在去年8月離去，終年67歲。

節目當時亦問及兩人想會希望哪一位先離開，Frankie就表示希望自己先離開，因為他知道留低那個很寂寞，會好辛苦。Sabrina則笑言老公很自私，最好就一齊離世。諗到有一日要同老伴分開，Sabrina、Frankie都忍不住流下眼淚。
今次只剩下Sabrina一個接受訪問，Sabrina坦言仍未能接受Frankie離去的事實，她指自己一樣會反問上天：「點解唔可以再陪我耐啲？」Sabrina最近準備一些跳舞比賽及表演，但她坦言自經失去那份衝勁。她解釋以前跳舞，Frankie會到場支持，覺得是理所當然。但當她發現沒有人欣賞她，沒有人再批評，她就好像失去動力一樣。

其實上一輯《尋人記》意外預演了Frankie留下遺言的一幕：「Sabrina，我就應該會好快就走啦，第一希望你唔使掛住，千祈唔好掛住我，做自己開心的事。另外我保險箱鎖匙喺邊到，銀行戶口喺邊到，隨便攞去用，記住，byebye。下一世我哋有緣一齊再嚟過，我哋今世過得好開心。係咁多，你享受你自己的餘生，真喺唔好掛住我。」 Sabrina重睇Frankie生前受訪片段即痛心落淚，感激方東昇團隊上次訪問成為他們最大的禮物：「我覺得你哋上次嚟拍呢一段，我真喺覺得上天畀我哋一份禮物，好似真係做緊rehearsal（演習）。佢喺醫院時，我覺得好遺憾的一件事，就係佢無遺言，沒有任何一句說話，因為佢講唔到，呢一段畀到我內心好大安慰。」Sabrina感謝節目組找他們，三次受訪為她留下珍貴的回憶，總結了二人的一生。