《星空下的仁醫》又催淚 彥仔喊戲逼真令人心痛：「佢話過會返嚟」

無綫台慶劇《星空下的仁醫》播出後反應不俗，劇集由不同病童個案貫穿，令觀眾動之以情。除馬國明、鄭嘉穎及鍾嘉欣等主角外，劇中亦有多位小演員演出，他們飾演病童，表現備受讚賞。

日前(8日)劇情講述印度皇族男孩Mike最終搶救無效身亡，因「同病相憐」與其成為好友的彥仔（郭卓朗飾）得知好友離世傷心痛哭，彥仔淚流滿面地哭著問爸爸：「我唔想佢死，佢話過會返嚟。」令觀眾看得心痛，想不到這位小演員竟是首次參演劇集。

該劇監製方浤酌Ben（前名：方俊華）透露，飾演彥仔的小朋友名為郭卓朗，是首度演劇：「因套劇需要大量小演員，所以叫埋工作人員的親友試鏡。卓朗因身高、外型都同個角色設定脗合，就畀佢試吓。佢啲戲都真係幾好，幾有天份。」