小鐵漢遊迪士尼慶功 媽媽：童話故事般結局

患有先天性心臟病的四歲男童小鐵漢（Kansas），上月底完成人生第6次的終極大手術後，雖然曾出現細菌感染引致肺炎，幸好其後康復情況理想，並在上周六(16日)出院回家。小鐵漢爸媽亦兌現在病床前的承諾，帶小鐵漢到樂園遊玩。

小鐵漢媽媽指，「手術前應承咗小鐵漢要去迪士尼Halloween，好慶幸囝囝康復進度良好，今日終於可以找數，不過始終都剛剛做完大手術，都係休休閒閒打下卡，睇下Show咁。」

小鐵漢自小經歷多次手術，媽媽亦感觸地說：「我哋一家回望返過去4年多嘅日子，真係有好大嘅感觸，由最初嘅一個悲慘故事，變成一個勇者冒險故事，到最後得到一個童話故事般嘅感人勵志大團圓結局，之後，小鐵漢都會好似所有童話故事後續一樣～ 從此過住簡簡單單、快快樂樂、健健康康嘅生活。」