羅蘭憶述拍劇遇意外 離地近三米墮下昏迷險變植物人

90歲影后羅蘭從影超過半個世紀，演出多部膾炙人口的作品，令人留下深刻印象。近日她接受鄧英敏的YouTube頻道訪問，罕談昔日因拍劇遇意外，險變植物人一事。

羅蘭當年在EYT短劇《武林聖火令》演一名武功高強的女俠，故被安排吊威也，她憶述：「嗰次真係大件事，第一日拍完都OK，第二日再拍，Take One都OK，導演話想嚟多個，跟住大家就埋位。嗰度係燈橋上面九尺幾高（近三米高），點知我一上去，『閘』一聲就成個撻咗落嚟，撻落嚟嗰時啱啱有張白色發泡膠圓枱，我就撞到個邊位，所以大細面，左邊面大少少，當時腫晒。」

她指當時情況嚴重，攤在地上昏迷不醒，直至過了一段時間，羅蘭才回復知覺，自行走入化妝間，但被同事發現她非常不清醒，最終由同事送入醫院。

羅蘭說：「佢哋問我點，我答咗一兩句之後就唔識答喇，住喺邊都唔知喇！入院個過程我係唔知，完全冇印象，就連意外一刻都完全失憶冇印象，後尾琴姐拖住我阿媽嚟睇我，成晚喺醫院陪我。」

她指同事擔心其獨自在病房時會有危險，於是請特護在場照顧她：「我就成晚喺度諗，發生咩事，佢哋話我跌親，咁我做咩跌親呢，我係完全冇呢個意識，連醫生問我都唔知咩事，所以有啲人就話我個神經中樞有問題，再傷啲就冇喇！」

羅蘭又指此經歷令她差點變植物人，幸好最終大步檻過，平安無事。