鮑起靜即學即演日文喊戲飊演技

由林敏驄、江美儀、鮑起靜等主演的無綫台慶劇《下流上車族》，自播出以來好評不斷。其中，由鮑起靜在劇中飾演Emma婆婆的角色，反映出不少長者的生活，非常貼地。日前一集，Emma婆婆透過視像親自向親家老爺道歉，不諳日文的她拿着寫滿中文拼音的貓紙，逐隻字以日文讀出內容。她說：「抱歉，我錯了，我對你的女兒不夠好，請你寬恕……我只有一個兒子家寶，我一直不懂管教，但他做事肯學肯捱，希望你多給他機會，不要再罵他，拜託你了。家寶只要得到家人支持，他便可以做好女婿、丈夫及父親的角色。」

劇中她以有限的日文，表達出對兒子無限的疼愛，在旁的家寶亦被母親的突變感動，眼濕濕說：「我咁大個仔，未聽過你同人道歉，你今次仲要係為咗我同人道歉......」兩母子最終和好如初，場面感人。

鮑起靜提及這場日文道歉戲，她說︰「好彩當日有個幕後日文好叻，佢喺現場教我點講啲日文，即場教即場演。我以前都有睇開日劇，所以啲音都係聽慣聽熟，所以好容易學。」問到講日語演戲會否影響情緒表達，鮑姐笑言：「其實只係將日文寫成中文拼音嚟演繹，同埋角色本身日文唔叻，讀嘅時候梗會窒窒吓，但係為咗個仔唔識講都要講，呢個就係角色真實嘅情緒。」