患大腸癌第三期下月化療 蘇施黃：最重要保持心境開朗

67歲的蘇施黃，近年在 YouTube 開頻道「教煮蘇 This is So good」分享飲食生活見聞。曾於2005年患乳癌的她，日前在頻道上載新片以「照腸結果出咗啦！」為題，指自己患了大腸癌第三期。

阿蘇當時身在醫院，原來她是上月26日入院做檢查，發現罹患大腸癌後即接受手術，住了8日醫院，並在出院前一日拍片講述情況。阿蘇指當初因為屙血：「屙三幾日停，個幾月後又屙鮮血，醫生話穩陣啲照腸好。」故安排入院照腸，報告出來發現患大腸癌，即時接受手術。「星期三切割咗腸，大腸轉角位切咗15cm，因有個腫瘤，側邊攞咗25粒淋巴，其中3位有感染，驗出嚟係大腸癌第三期，醫生話穩陣啲，做完手術後再檢查，睇吓有冇走去身體其他地方，骨或胸邊度。」

她認為即使患病，但最重要保持心境開朗，並透露下月將接受化療：「一個人當你食嘢覺得自己病就好病，但當你覺得同正常人一樣就一樣，我開咗刀，咁大個症，仍然笑口噬噬，最緊要心境開朗，全靠食物，我而家仲有大考驗，因為仲要做化療，唔緊要，化療完又擦過，朋友話化療前先吃為敬，化療後再吃為敬。」